Shehad Or Khajoor Ke Qeemti Fawaid Asani Ke Sath

شہد اور کھجور کے فوائد
کھجور کا شمار دنیاکے قدیم پھلوں میں ہوتا ہے یہ پھل دِیار رسول ﷺ کا تحفہ ہے ۔ حج و عمرہ سے آنے والے مبارک تحفے کے طور پر اس کو پھل کو ضرور ساتھ لاتے ہیں ۔ یہ وہ پھل ہے جس کا ذکر قرآن پاک میں متعدد بار آیا ہے ۔یہ انتہائی مقوی غذا ہے ۔ حکماء اسے کئی اعتبار سے دیگر پھلوں پر فوقیت دیتے ہیں ۔

شہد اور کھجور کا مزاج گرم ہے ان کے فوائد درج ذیل ہیں ۔
دمے کے مریضوں کے لئے بہترین غذا کا درجہ رکھتی ہے ۔
ہاضمہ درست رکھتی ہے
جسم میں تازہ خون بھی پیدا کرتی ہے
سردیوں کے موسم میں بچوں کے لئے بہترین غذا ہے ۔
شہد اور کھجور بلغم کا خاتمہ اور پھیپھڑوں کو بھی طاقت بخشتے ہیں ۔
دماغ ، اعصاب، قلب ، معدے اور جسم کے پٹھوں کے لیے بھی بے حد مفید ہے ۔
امراض قلب میں بھی فائدہ مند ہے ۔
اس کے معدنی نمکیا دل کی دھڑکن کو منظم کرتے ہیں ۔
کھجور، فیٹ، سوڈیم اور کولیسٹرول فری ہے ۔
صحت کے بارے میں حساس افراد کے لئے بہترین معیاری غذا ہے۔
یہ خون میں کولیسٹرول کی سطح گھٹاتی اور انجائنا کے مریضوں کو فائدہ پہنچاتی ہے ۔

شہد اور کھجور کے استعمال سے حاصل ہونے والے چند مفید نسخے

کولیسٹرول کی سطح گھٹانے میں مفید :
کولیسٹرول کی سطح گھٹانے کاایک نسخہ یہ ہے کہ 42عجوہ کھجوروں کی گٹھلیاں پیس کر اورباریک سفوف بنا کر ایک مرتبان میں رکھ لیں روزانہ نہار منہ استعمال کریں ۔ شہد اور کھجور کے استعمال سے انجائنا سے بچاؤ بھی ممکن ہے ۔
عجوہ کھجور کے 21دانے لیں اور اس سے گٹھلیاں نکلانے کے بعد پیس کر باریک سفوف بنالیں ۔ پھر اس سفوف کو دوبارہ اسی خالی جگہ میں بھردیں جہاں سے گٹھلیاں نکالی گئی تھیں ان میں سفوف بھردیں اور سفوف کی ذراسی بھی مقدار باقی نہ بچے اب انہیں 21روز تک باقاعدگی سے استعما ل کریں ۔

معدے کے درد میں کمی :
معدہ ،جگر، مثانہ میں گرمی ، ورم اور سوزش پیدا ہوجائے تو آپ صبح نہار منہ ایک گلاس میں شہد کے 2چمچ ملا کر پئیں انشاء اللہ فائدہ ہوگا۔

دائمی نزلہ وزکام میں مفید :
بچوں اور بڑوں کو اکثر دائمی نزلہ وزکام اور کھانسی کی شکایت رہتی ہے جو کہ بظاہر ایک چھوٹی سی بیماری نظر آتی ہے جسے اکثر چھوٹے بڑے نظر انداز کردیتے ہیں اور یہ مرض بعد میں شد ت اختیار کرجاتا ہے جس کے نتیجے میں انسان کو سردرد، جسم میں کمزوری ، آنکھوں سے پانی بہنا، حلق میں خراش اور ہلکا ہلکا بخار اور تھکاوٹ بھی شروع ہوجاتی ہے جس سے ہر وقت بدن سست روی کا شکار ہوتا ہے ۔ ایسے مریضوں کو چاہیے کہ وہ یہ نسخہ بنا کر استعمال کریں ۔

آدھ تولہ ملٹھی ، آدھ تولہ لونگ، آدھ تولہ دار چینی ، آدھ تولہ فلفل دراز اور آدھ تولہ الائچی کلاں لے کر اس کو باریک پیس لیں اور شہد میں حسب مقدار ملا کر اس کی معجون بنالیں اور رات کو سونے سے قبل آدھ چمچ کھانے سے انشاء اللہ تعالی کھانسی ، نزلہ وزکام اور بخار میں کمی واقع ہوجاتی ہے ۔

Be the first to comment

Leave a Reply

Your email address will not be published.


*