Kali Mirch Kai Bemarion Se Shifa Ka Bais

شاید ہی کوئی ایساگھر ہوگا جس کے کچن میں کالی مرچ بطور مصالحہ موجود نہ ہو۔ گھر کے کچن سے لیکر بڑے بڑے ہوٹلوں والے اور ریڑھی پر کھانے بیچنے والے بھی کھانوں میں کالی مرچ استعمال کرتے ہیں ۔ پاکستان ہی کیا پوری دنیا میں کالی مرچ ذائقہ بڑھانے حتٰی کہ اسے غذاؤں میں اہم جزو کی حیثیت سے استعمال کرتے ہیں ۔ یہی وجہ ہے کہ اسے مصالحوں کی ملکہ کہا جاتا ہے ۔

طبی فوائد :
کالی مرچ اعصابی نظام کو تقویت دیتی ہے ۔ اس کا ذائقہ تلخ تیز اور محرک ہے ۔ ہاضمہ درست کرتی اور بلغم خارج کرتی ہے ۔ کالی مرچ سے حاصل کر دہ روغن مختلف ادویات میں استعمال ہوتا ہے ۔ کالی مرچ کھانے سے معدے اور لعاب دہن کی رطوبتیں بڑھ جانے سے بھوک بڑھ جاتی ہے ۔ البتہ معدہ کے السر میں مبتلاء افراد کو کالی مرچ استعمال نہیں کرنی چاہیے ۔
اسے درج ذیل امراض میں بطور دوا استعمال کیا جا سکتا ہے ۔

نظام انہضام میں بہتری :
کالی مرچ معدے کو متحرک کرکے ہائیڈروکلورک ایسڈ میں اضافہ کا باعث بنتی ہے اور یہ ایسڈ پروٹین اور دیگر غذاؤں کو ہضم کرنے کے لئے انتہائی ضروری ہے اور غذائیں مناسب طریقے سے ہضم ہونے کے باعث آپ کبھی بی ڈائیریا یا قبض کا شکار نہیں ہوں گے ۔
معدہ کی گرانی اور دیگر وجوہ کی بناء پر جب معدہ بد ہضمی کا شکار ہو جائے تو ایک چھٹانک کالی مرچ پیس کر اس کا پاؤڈر بنا لیا جائے اور اس میں شکر شامل کرکے مریض کو کھلایا جائے تو بدہضمی کی شکایت ختم ہو جاتی ہے ۔

Be the first to comment

Leave a Reply

Your email address will not be published.


*