لہسن سے بیماریوں کا علاج

سردیوں میں زیادہ ترا فراد نزلہ، زکام اور گلے کی خرابی میں مبتلاہوتے ہیں اگر وہ اپنی روزمرہ غذا میں لہسن کا استعمال شروع کریں تو ان تمام شکایات سے محفوظ رہیں گے ۔

۱۔ سردیوں میں نزلے کی کثرت سے بچوں کے کان میں تکلیف ہو جائے تو تھوڑے سے خوردنی یا کسی بھی کڑوے خوردنی تیل میں لہسن کے چار یا پانچ جوئے دھیمی آنچ پر جلائیں ، جب یہ جل کر سیاہ ہو جائیں تو انہیں نکال کر تیل چھان لیں ، پھر نیم گرم تیل کے دو یا تین قطرے متاثرہ کان میں ڈال کر روئی لگادیں اس سے کان کی تکلیف دور ہونے میں مدد ملے گی تاہم ڈاکٹر کے مشورے سے استعمال کریں ۔

۲۔ لہسن کا تیل جوڑوں کے درد میں بہت مفید ہے اور یہ بازار سے باآسانی مل بھی جاتا ہے اس کے علاوہ جوڑوں کے درد میں لہسن کے تین جوئے چھیل کر نہار منہ نگل لیں اس سے بھی درد میں بڑھی حدتک افاقہ ہوگا۔
۳۔ سردیوں میں لہسن کی چٹنی استعمال کی جائے تو سردی سے ہونے والے مختلف عوارض سے محفوظ رہا جاسکتا ہے ۔پرانے لوگ اس موسم میں تازہ ہرے لہسن کو باجرے اور بیسن کی روٹی کے ساتھ نہایت اہتمام سے کھاتے تھے ۔ دیہات میں یہ طریقہ اب بھی رائج ہے بعض لوگ تازہ ہرے لہسن کو بطور سبزی پکاتے ہیں جو کہ طبی لحاظ سے بہت مفید ہے ۔

۴۔ لہسن ان لوگوں کے لیے بھی بہت مفید ہے جنہیں بلڈ پریشر کی شکایت ہو ایسے مریضون کو چاہیے کہ وہ لہسن اور ہرے دھنیے کی چٹنی کا استعمال کریں اس چٹنی کے استعمال سے عموماًتین یا پانچ روز کے اندر ہائی بلڈ پریشر کی علامت کم ہونے لگتی ہے اور ذہنی پریشانی اور انتشار کی علامت بھی دور ہوجاتی ہے ۔
۵۔لہسن باقاعدگی سے استعما ل کرنے والے افراد امراض قلب اور شریانوں کی بیماریوں سے محفوظ رہتے ہیں اطباء کے مطابق لہسن ہر قسم کے ورم کو دور کرتا ہے اور اس کے استعمال سے جسم میں موجود زائد رطوبتیں تحلیل ہوجاتی ہیں اور اس کے علاوہ یہ خون کو صاف اور پتلا کرتا ہے ۔
۶۔لہسن آواز اور حلق کے لئے مفید ہونے کے ساتھ ساتھ اعصابی امراض ، پسلی کا درد، تلی کا ورم ، پیٹ کے کیڑے اور ہیضے میں بھی فائدے مند ہے لہسن کا استعمال پرانے بخار، پھیپھڑوں کے زخم اور معدے کے درد کے لیے بہت مفید ثابت ہوا ہے ۔
۷۔ لہسن کو زہریلے جانورکے کاٹے ہوئے مقام پر کاٹ کر لگانے سے زہر کا اثر ختم ہوجاتا ہے ، جدید تحقیق کے مطابق لہسن کے تیل سے پانچ مختلف قسم کے مچھر ہلاک ہوجاتے ہیں نیز اس کے تیل میں ایلی سن نامی کیمیائی مادے کی موجودگی سے جسم میں سرطانی خلیات کی پیدائش رُک جاتی ہے ۔
۸۔ سردیوں میں استعمال کرنے سے جسم میں گرمی پیدا ہوتی ہے اگر لہسن کوٹ کر پھوڑوں پر لیپ کیا جائے تو وہ پھٹ جائیں گے اور فاسد مادہ خارج ہوجائے گا ۔
۹۔ لہسن پیس کر دانت کے سوراخوں میں رکھ دیں درد میں فوری آرام آجائے گا۔
۱۰۔ لہسن پیس کر اس کو شہد کے ساتھ ملا کر کھائیں بھوک زیادہ لگے گی اور چند دنوں میں چہرے کا رنگ سرخی مائل ہوکر نکھرنے لگے گا۔
۱۱۔ لہسن کو تِلوں کے تیل میں پکالیں اور اس تیل کو چھان کر رکھ لیں سردرد کی صورت میں پیشانی پر اس سے مساج کیاجائے تو افاقہ ہوگا ۔
۱۲۔ لہسن کو گھی میں بھون کر شہد کے ساتھ چاٹنا دمہ کے لئے مفید ہے ۔
۱۳۔لہسن کے دو جوئے روزانہ استعمال کرنے سے موٹاپا کم ہونے لگتا ہے ۔
۱۴۔ لہسن کے تیل میں نمک ملا کر مساج کرنے سے پٹھوں کی اکڑن ، چوٹ کا درد کم ہوگا ۔
۱۵۔ لہسن کا استعمال قوت ہاضمہ اور قوت حافظہ کو بڑھا تا ہے ۔
۱۶۔لہسن کی دھونی سے آدھے سر کا درد جاتا رہتا ہے ۔
۱۷۔ خناق میں لہسن کے جوئے چبانا مفید ہے چونکہ اس بیماری میں حس متاثر ہوتی ہے اس لیے مریض آسانی سے کھالیتا ہے ۔

Be the first to comment

Leave a Reply

Your email address will not be published.


*