5 Little Tips for Weak Nails

Nails fungal and bacteria infection from dirty manicure salon tools, Hand gel polish flaking and chipping, Fingernails brittle problems.

نیویارک(نیوزڈیسک) خواتین کی خواہش ہوتی ہے کہ ان کے ناخن لمبے اور مضبوط ہوں لیکن اکثر یہ مسئلہ درپیش رہتا ہے کہ کمزور ہونے کی وجہ سے وہ ٹوٹ جاتے ہیں،آئیے آپ کو ناخنوں کو مضبوط کرنے اورٹوٹنے سے بچانے کے لئے کچھ مفید باتیں بتاتے ہیں۔

ربر کے دستانے پہنیں

خواتین کو گھر میں برتن دھونے ہوتے ہیں اور پانی لگنے کی وجہ سے ناخن ٹوٹتے رہتے ہیں لہذا برتن دھوتے ہوئے ربر کے دستانوں کا استعمال کریں۔دستانوں کی وجہ سے انگلیاں اور ناخن محفوظ رہیں گے اور آپ کے ناخن ٹوٹنے سے بچ جائیں گے۔
تیل سے مالش کریں

آپ کو چاہیے کہ ناخنوں کو مضبوط کرنے کے لئے کیسٹرآئل سے ان کی مالش کریں۔اس کی وجہ سے ناخنوں کی نشوونما بہتر ہوگی اور وہ ٹوٹنے سے بھی محفوظ رہیں گے۔
ناخن مت چبائیں

کچھ لوگوں کو ناخن چبانے کی عادت ہوتی ہے اور اگر آپ بھی ایسا کرتے ہیں تو فوری طورپر اس عادت سے نجات حاصل کرلیں۔ہمیشہ اپنے ساتھ ناخن تراشنے والا آلا رکھیں اور جب بھی ناخن چبانے لگیں تو اس آلے سے انہیں تراشنے لگیں،کچھ ہی دنوں میں آپ کو اس عادت سے نجات مل جائے گی۔
نیل پالش لگائیں

اگر آپ کو نیل پالش لگانا پسند نہیں تو ٹرانسپیرنٹ نیل پالش کا استعمال کریں کہ اس طرح ناخن محفوظ رہیں گے۔
وٹامن اور منرل والی غذائیں

ناخن ٹوٹنے کی بڑی وجہ وٹامن اور منرلز کی کمی ہے لہذا میگنیز اور وٹامن اے والی غذائیں کھائیں کہ یہ دونوں چیزیں ناخنوں کی صحت کے لئے بہت مفید ہیں۔

Be the first to comment

Leave a Reply

Your email address will not be published.


*